Latgalīšu rakstnīceibys muzejs i Rēzeknes latgalīšu bīdreiba ir ieceriejuse Daugavpilī uzstuodeit pieminekli izcylajam latgalīšu gruomotu izdeviejam Vladislavam Luocim.


“Vladislavs Luocis sovu myužu ir veltiejs Latgolas kulturai i juos vajadzeibom,” uzsver Latgalīšu rakstnīceibas muzeja vadeituojs Pīters Luocis i, lai cauri viesturis leiklūčim aplīcynuotu latgaļu cilts kulturys spāku, kai ari myusdīnu sabīdreibu īpazeistynuotu ar izcylom personeibom Latgolys kultūrviesturī, jis tān ir aktualiziejs vaicuojumu par pīminekļa uzstuodeišonu latgaļu raksteituo vuorda nūsorguotuojam V.Luočim.

“Vladislavs Luocis 1939.izveidoj pyrmū latgaļu profesionalū gruomotu izdevnīceibu. Ūtruo pasauļa kara laikā zīduoja sovus leidzekļus, kai ari riskieja ar sovu dzeiveibu-Latvejis breiveibys idejai. Riezeknī ir izveiduots latgaļu literaturas muzejs, kur var īpazazeit, gon ar Vladislava Luoča personeibu, gon ar latgaļu literaturu dažaidūs viesturis pūsmūs.”

Pīters Luocis cerej iz sabīdreibys atbolstu pīminekļa pastateišonys sakarā.