Pīktdiņ, 16.janvarī, Preiļūs i Riezeknī gastieja Izgleiteibys i Zynuotnis ministre Mārīte Seile.

Latgolā ministre apmeklieja Preiļu Valsts ģimnāzeju, Reigys Tūrisma i radūšū industreju tehnikuma Preiļu filiāli, Latgolas aparatbyuvis tehnoloģiskū centru, kai ari Riezeknis Augstskūlys jaunū inžinīru fakultāti.
Māreite Seile atzeist, ka gasteišonys laikā Latgolā vieļreiz asūt puorzalīcynuojuse, ka attuolums leidz Reigai nanūzeimei zamuoku izgleiteibas leimeņa kvalitāti:

"As redzieju daudz lobu pīmāru par tū ka, ja cylvāki zyna kū jī gryb sasnīgt tod nikas nav šķierslis. Šis ir lobs pīmārs, ka nazaskotūt iz tū, ka valstī finansiejums zynuotnei i augstuokajai izgleiteibai ir napīteikams, aktīvi cylvāki ir atroduši veidu kai tikteišam panuokt, ka Riezeknis Augstskūlā var īgiut pasaulis klasis izgleiteibu".

Taipat Mārīte Seile uzskota, ka Latgolā juoatbolsta nūvoda muoceibas īvīšona: "Kotrs veids kai bārnim pastuostēt kur ir juo saknis padora cylvāku tikai stypruoku.Pi pyrmuos īspiejas skaidrs ir tys,ka as atbalsteišu šaidu iniciatīvu".

Izgleiteibys i Zynuotnis ministre ari uzskota,ka juodiskutej par Latgalīšu volūdys apvuiceibu atteisteišonu Latgolā.